HStAOrient5a: 12r

mükerrem idi ṣallā llāhu ve‑sellem. Baʿdehū maʿlūm ola ki müddet‑i devr‑i // sünbüle yedi biñ yıldur ve ibtidāʾ‑i ẓuhūr‑i nevʿ‑i beşerden vaqt‑i // mükāfāt‑i ḫayr u şerr yaʿnī ʿālem‑i āḫiret yedi biñ yıldur. Kaḏā // fī l‑Fawāʾiḥ. Ammā Behcetü t‑Tevārīḫde ibtidāʾ‑i ẓuhūr‑i ḥażret‑i Ādemden // ḥażret‑i Muḥammed Muṣṭafā ṣallā llāhu ʿaleyhi ve‑sellemüñ zamānına dek olan // müddetde rivāyāt muḫtelifedür. Mecūs rivāyetinde altı biñ yüz // yetmiş yıldur ve Benī İsrāʾīl rivāyetinde naṣṣ‑i Tevrātla dört biñ üç // yüz qırq yıldur ve tersālar rivāyetinde naṣṣ‑i İncīl ile beş biñ // ṭoquz yüz yetmiş iki yıldur. Ammā aṣaḥḥ‑i rivāyet ibn‑i ʿamm‑i nebī ṣallā // llāhu ʿaleyhi ve‑sellem ʿAbdullāh bin ʿAbbās qavlince altı [biñ] yetmiş beş yıldur. // Masʾala fī sababi ẓuḥūri l‑anbiyā wa‑tawāriḫuhum. Vaqtā ki iqtiżāʾ‑i // qażā‑i rabbānī vücūd‑i nevʿ‑i insānīnüñ ilā eclin müsemmā baqāsına // taʿalluq ėdüb ve insān daḫı emr‑i maʿāşında müstaqill olmayub // belki müddeti bi‑ṭ‑ṭabʿ olub ebnā‑i cinsi ile muʿāvaża ve muʿāmeleye // muḥtāc oldıysa ve muʿāvaża ve muʿāmele mīzān‑i ʿadālete // ve mīzān‑i ʿadālet mīzān‑i şerīʿate ve siyāsete ve şerīʿat ü siyāset // şāriʿa muḥtāc oldıysa ḥaqq subḥānehū ve‑taʿālā bu yedi biñ yıldan // her biñ yıluñ arasında şefqaten li‑ʿibādihī ẓ‑ẓuʿafāʾi muʿcizāt‑i // bāhire ve āyāt‑i ẓāhire ṣāḥibi müsteḥaqq‑i ṭāʿat ve lāyıq‑i ḫilāfet